നിർദ്ധനരായ പട്ടികജാതി പട്ടികവർഗ്ഗ കുടുംബങ്ങളിലെ പെണ്‍കുട്ടികളുടെ വിവാഹത്തിന് സര്‍ക്കാരിന്റെ കൈത്താങ്ങ് :

പട്ടികജാതി വിഭാഗത്തില്‍പ്പെട്ട പെണ്‍കുട്ടികളുടെവിവാഹത്തിന് 75,000 രൂപ ധനസഹായമായി നല്‍കുന്നു. 

ജാതി, വരുമാന സര്‍ട്ടിഫിക്കറ്റ്, പെണ്‍കുട്ടിയുടെ പ്രായം തെളിയിക്കുന്നതിനുള്ള സര്‍ട്ടിഫിക്കറ്റ് വിവാഹക്ഷണക്കത്ത്, വിവാഹം നിശ്ചയിച്ചു എന്നതിന്റെ സമുദായസംഘടനയുടെ / ഗസറ്റഡ് ഓഫീസറുടെ സാക്ഷ്യപത്രം എന്നിവ സഹിതം ബ്ലോക്ക് / മുനിസിപ്പല്‍ / കോര്‍പ്പറേഷന്‍ പട്ടികജാതി വികസന ഓഫീസര്‍ക്ക് അപേക്ഷ സമര്‍പ്പിക്കാം.വിവാഹം കഴിഞ്ഞു ഒരു വർഷത്തിന് ശേഷമുള്ള അപേക്ഷകൾ പരിഗണിക്കുന്നതല്ല. വാർഷിക കുടുംബ വരുമാന പരിധി 1,00,000 രൂപ.

നിർദ്ധനരും മാതാപിതാക്കളിൽ ആരെങ്കിലും ഒരാൾ മരണപ്പെടുകയും ചെയ്ത പട്ടികവർഗ്ഗ യുവതികളുടെ വിവാഹത്തിന് ധനസഹായം നൽകുന്നതിന് വേണ്ടിയുള്ള പദ്ധതിയാണിത്. വിവാഹ ധനസഹായം 1 ലക്ഷം രൂപ നിരക്കിലാണ് നൽകിവരുന്നത്. എന്നാൽ അനാഥരായ പട്ടികവർഗ്ഗ പെൺകുട്ടികൾക്ക് 1.50 ലക്ഷം രൂപ ആനുകൂല്യമായി ലഭിക്കും. വിവാഹ തീയതിക്ക് ഒരു മാസത്തിന് മുമ്പ് ധനസഹായത്തിനുള്ള അപേക്ഷ ബന്ധപ്പെട്ട റ്റി.ഇ. ഒ മുഖാന്തിരം സമർപ്പിക്കേണ്ടതാണ്. നിശ്ചിത സമയ പരിധി കഴിഞ്ഞു നൽകുന്ന  അപേക്ഷകളിൽ ഡയറക്ടറുടെ / സർക്കാർ ഉത്തരവിൻ പ്രകാരം ആനുകൂല്യം അനുവദിച്ചു നൽകുന്നു.വാർഷിക കുടുംബ വരുമാന പരിധി 100000 രൂപ.