പ്രളയം വന്നാൽ നേരിടാനൊരുങ്ങി വടക്കഞ്ചേരി അഗ്നി രക്ഷാ സേനയും സിവിൽ ഡിഫൻസും

ദുരന്ത നിവാരണ വകുപ്പിന്റെ അതി വർഷ മുന്നറിയിപ്പിന്റെ അടിസ്ഥാനത്തിൽ പ്രളയം ഉണ്ടായാൽ നേരിടാനൊരുങ്ങി വടക്കഞ്ചേരി അഗ്നി ശമന രക്ഷാ സേനയ്ക്ക് കീഴിലെ ദുരന്ത പ്രതിരോധ സന്നദ്ധ സേന തയ്യാറാക്കിയതു 250  ബോട്ടിൽ ലൈഫ്  ജാക്കറ്റുകൾ . അപ്രതീക്ഷിതമായി വെള്ളം കയറിയാൽ വീട്ടിൽ നിന്നും രക്ഷാ പ്രവർത്തനം നടത്തുമ്പോൾ  ബോട്ടിൽലൈഫ് ജാക്കറ്റ് അണിയിച്ചു സുരക്ഷിതമായി വെള്ളം കയറിയ വീടുകളിൽ നിന്നും ആളുകളെ സുരക്ഷിത സ്ഥാനത്തേക്ക് മാറ്റാൻ ലക്ഷ്യമിട്ടാണ് പ്ലാസ്റ്റിക് കുടി വെള്ള കുപ്പികൾ ഉപയോഗിച്ച്  ബോട്ടിൽ ലൈഫ്  ജാക്കറ്റ് നിർമിച്ചിരിക്കുന്നത്. 

ഒരു ലിറ്ററിന്റെ  പ്ലാസ്റ്റിക് കുടിവെള്ള കുപ്പികൾ 8 എണ്ണം ഉപയോഗിച്ച്  കൊണ്ട് കയർ കെട്ടി ബന്ധിപ്പിച്ചാണ് ബോട്ടിൽ ലൈഫ് ജാക്കറ്റ് നിർമിച്ചിരിക്കുന്നത്. ഒരു ലിറ്ററിന്റെ 2000 പ്ലാസ്റ്റിക്  കുടിവെള്ള  കുപ്പികൾ ആണ് ഇതിനായി ഉപയോഗിച്ചത് .കഴിഞ്ഞ രണ്ടു വർഷങ്ങളിൽ വെള്ളം കയറിയ പ്രദേശങ്ങൾ അഗ്നി ശമന സേന ഉദ്യോഗസ്‌ഥരും  സിവിൽ ഡിഫൻസ് സന്നദ്ധ സേനയും  പരിശോധന നടത്തിയിരുന്നു

 അതിന്റ അടിസ്ഥാനത്തിൽ ആണ് പ്രളയ കാല രക്ഷാ പ്രവർത്തനം കൂടുതൽ വേഗത്തിൽ കൈകാര്യം ചെയ്യുന്നതിനായി ബോട്ടിൽ ലൈഫ് ജാക്കറ്റുകൾ നിർമിച്ചത് ജില്ലാ ഫയർ ഓഫീസർ അരുൺ ഭാസ്കറിന്റെ നിർദ്ദേശ പ്രകാരം സ്റ്റേഷൻ ഓഫീസർ ജോബി ജേക്കബ്,അസി.സ്റ്റേഷൻ ഓഫീസർ ഇ. സി.ഷാജു സിവിൽ ഡിഫൻസ് കോ ഓർഡിനേറ്റർമാരായ വി.എസ് സ്മിനേഷ് കുമാർ, സി.ചിത്രൻ,പ്രശാന്ത് എന്നിവർ പ്രവർത്തനങ്ങൾക്ക് നേതൃത്വം നൽകി.